ఆనందాలను ఆహ్వనించే దీపావళి!
Tue,November 6, 2018 10:14 PM
దీపం వెలుగు మన ఒక్క ఇంటినే కాదు.. మన ఇంటికి స్థానమిచ్చిన సమస్త ప్రపంచాన్నీ వెలుగులతో నింపుతుంది.అలాంటి ఉదాత్త భావన, మహోన్నత ఆలోచన సర్వమాన సౌభ్రాతృత్వానికి ఆస్కారమిస్తూ జరుపుకొనేదే దీపావళి పండుగ. జీవితాలను ఆనందమయం చేసే దీపాల వెలుగు మానవత్వ దివ్యత్వాల సమాహారం.
సంస్కృతీ సౌరభాలు దీపాల కాంతితో కలగలిసి మానవీయ చరిత్రను పదికాలల పాటు శోభిల్లేలా చేస్తాయి. అంధకారాన్ని తరిమేసి వెలుగులు నింపితేనే జీవితం ఆనందమయంగా ఉంటుందనే తత్వానికి కూడా దీపావళి పర్వం సంకేతం.
దీపాల పండుగ
పంచ భూతాత్మక సృష్టికి ప్రతీక దీపం. దీప కాంతి జ్ఞానానికీ, శుభానికీ, శాంతికీ సంకేతమనే ఆర్య భావనా సంస్కృతి మనది. పర్యావరణహితంగా పూలు, రంగవల్లులు వాటి నడుమ వెలిగే అందమైన దీపాలు మనలో ఆనందాలు నింపే అసలైన వెలుగులు. ఒక చిన్న దీపం గదిలోని చీకటినంతటినీ తరిమేస్తుంది. అలాంటిది మంచి మనసుతో బంధాల అమరికతో ఒదిగిన కుటుంబమంతా కలిసి దీపాల వరుసను పేర్చి దీప జ్యోతిని ఆరాధిస్తే ఇల్లంతా నిజ కాంతితో వెలిగిపోతుంది. దీపారాధన భారతీయులకు నిత్య సమారాధన. ప్రతిరోజూ ఉదయం, సాయంత్రం దేవుడి ముందు దీపాలను వెలిగించి అంతా మంచే జరుగాలని కోరుకుంటాం. ఏదైనా మంచి పనిని మొదలు పెట్టేముందు జ్యోతి ప్రజ్వలనం చేసి నిరాటంకంగా అనుకున్న పని విజయవంతం కావాలని ఆకాంక్షిస్తాం. అలాగే దీపావళి రోజు ప్రపంచంలోని చెడంతా నశించి మంచితో నిండిపోవాలని వెలిగించే దీపాలు జీవిత వెలుగులకు సంకేతాలు.
అనుబంధాల వేదిక
ప్రతీ మనిషి బంధాలను కోరుకుంటాడు. మనకంటూ నలుగురున్నారన్న భరోసా ఇచ్చే వేదికలు పండుగలు. బంధాలను భద్రపరుస్తూ, అనుబంధాలను మాధుర్యంగా మలిచే వేదిక దీపావళి. దీపాలంకరణ, మనసుల నిండా భక్తిభావం, పిల్లల కేరింతలు, పెద్దల కాలక్షేపాలు, పిండి వంటలు, సంప్రదాయాలు, అతిథులు, సంస్కారాల కలయికలు దీపావళిని మరింత వైభవోపేతంగా మార్చేస్తుంటాయి. బంధాలు బలహీనపడితే, మనుషుల మధ్య మనస్పర్థలు వస్తే దీపావళిలాంటి వేదిక ఒక్కటి చాలు. అందమైన చిరునవ్వుతో ఆప్యాయంగా ఇంటికి వచ్చిన బంధువులనూ, అతిథులనూ చక్కగా పలకరిస్తే చాలు. అన్నీ సమసిపోయి ఆనందాలు వెల్లివిరుస్తాయి. సత్యం నుంచి సత్యంలోకి, చీకటి నుంచి వెలుగులోకి, మృత్యువులోంచి అమర్వతంలోకి నడిపించమనే వేదవాక్కు దీపావళి పండుగలో ఒప్పారే దివ్య సందేశంగా విరాజిల్లుతూ మన జీవితాలను వెలుగులమయం చేయాలని ఆకాంక్షిద్దాం.
మహాలక్ష్మి ఆరాధన
దివ్వెల పండుగ దీపావళి పర్వదినం శ్రీమహాలక్ష్మి ఆరాధనకు శుభసంరంభం. త్రయోదశినాడు దీపాలు వెలిగించి, స్నానాలు చేసి, నరక చతుర్దశినాడు ఉత్తరేణి కొమ్మలతో దిష్టి తీయించుకొని ఆశ్వయుజ బహుళ అమావాస్య రోజు అంటే దీపావళి నాడు కొత్త బట్టలు కట్టుకొని, ఇల్లంతా దీపాలతో అలంకరించి శ్రీమహాలక్ష్మిని.. సిరికి సంకేతమైన వెండిని, బంగారాన్ని విశేషంగా పూజించి ఆనందభరితంగా జరుపుకొనే దీపావళి అందరినీ ఒకటిగా చేసే సార్వత్రిక పర్వదినం.
- ఇట్టేడు అర్కనందనాదేవి
Tue,November 6, 2018 10:14 PM
దీపం వెలుగు మన ఒక్క ఇంటినే కాదు.. మన ఇంటికి స్థానమిచ్చిన సమస్త ప్రపంచాన్నీ వెలుగులతో నింపుతుంది.అలాంటి ఉదాత్త భావన, మహోన్నత ఆలోచన సర్వమాన సౌభ్రాతృత్వానికి ఆస్కారమిస్తూ జరుపుకొనేదే దీపావళి పండుగ. జీవితాలను ఆనందమయం చేసే దీపాల వెలుగు మానవత్వ దివ్యత్వాల సమాహారం.
సంస్కృతీ సౌరభాలు దీపాల కాంతితో కలగలిసి మానవీయ చరిత్రను పదికాలల పాటు శోభిల్లేలా చేస్తాయి. అంధకారాన్ని తరిమేసి వెలుగులు నింపితేనే జీవితం ఆనందమయంగా ఉంటుందనే తత్వానికి కూడా దీపావళి పర్వం సంకేతం.
దీపాల పండుగ
పంచ భూతాత్మక సృష్టికి ప్రతీక దీపం. దీప కాంతి జ్ఞానానికీ, శుభానికీ, శాంతికీ సంకేతమనే ఆర్య భావనా సంస్కృతి మనది. పర్యావరణహితంగా పూలు, రంగవల్లులు వాటి నడుమ వెలిగే అందమైన దీపాలు మనలో ఆనందాలు నింపే అసలైన వెలుగులు. ఒక చిన్న దీపం గదిలోని చీకటినంతటినీ తరిమేస్తుంది. అలాంటిది మంచి మనసుతో బంధాల అమరికతో ఒదిగిన కుటుంబమంతా కలిసి దీపాల వరుసను పేర్చి దీప జ్యోతిని ఆరాధిస్తే ఇల్లంతా నిజ కాంతితో వెలిగిపోతుంది. దీపారాధన భారతీయులకు నిత్య సమారాధన. ప్రతిరోజూ ఉదయం, సాయంత్రం దేవుడి ముందు దీపాలను వెలిగించి అంతా మంచే జరుగాలని కోరుకుంటాం. ఏదైనా మంచి పనిని మొదలు పెట్టేముందు జ్యోతి ప్రజ్వలనం చేసి నిరాటంకంగా అనుకున్న పని విజయవంతం కావాలని ఆకాంక్షిస్తాం. అలాగే దీపావళి రోజు ప్రపంచంలోని చెడంతా నశించి మంచితో నిండిపోవాలని వెలిగించే దీపాలు జీవిత వెలుగులకు సంకేతాలు.
అనుబంధాల వేదిక
ప్రతీ మనిషి బంధాలను కోరుకుంటాడు. మనకంటూ నలుగురున్నారన్న భరోసా ఇచ్చే వేదికలు పండుగలు. బంధాలను భద్రపరుస్తూ, అనుబంధాలను మాధుర్యంగా మలిచే వేదిక దీపావళి. దీపాలంకరణ, మనసుల నిండా భక్తిభావం, పిల్లల కేరింతలు, పెద్దల కాలక్షేపాలు, పిండి వంటలు, సంప్రదాయాలు, అతిథులు, సంస్కారాల కలయికలు దీపావళిని మరింత వైభవోపేతంగా మార్చేస్తుంటాయి. బంధాలు బలహీనపడితే, మనుషుల మధ్య మనస్పర్థలు వస్తే దీపావళిలాంటి వేదిక ఒక్కటి చాలు. అందమైన చిరునవ్వుతో ఆప్యాయంగా ఇంటికి వచ్చిన బంధువులనూ, అతిథులనూ చక్కగా పలకరిస్తే చాలు. అన్నీ సమసిపోయి ఆనందాలు వెల్లివిరుస్తాయి. సత్యం నుంచి సత్యంలోకి, చీకటి నుంచి వెలుగులోకి, మృత్యువులోంచి అమర్వతంలోకి నడిపించమనే వేదవాక్కు దీపావళి పండుగలో ఒప్పారే దివ్య సందేశంగా విరాజిల్లుతూ మన జీవితాలను వెలుగులమయం చేయాలని ఆకాంక్షిద్దాం.
మహాలక్ష్మి ఆరాధన
దివ్వెల పండుగ దీపావళి పర్వదినం శ్రీమహాలక్ష్మి ఆరాధనకు శుభసంరంభం. త్రయోదశినాడు దీపాలు వెలిగించి, స్నానాలు చేసి, నరక చతుర్దశినాడు ఉత్తరేణి కొమ్మలతో దిష్టి తీయించుకొని ఆశ్వయుజ బహుళ అమావాస్య రోజు అంటే దీపావళి నాడు కొత్త బట్టలు కట్టుకొని, ఇల్లంతా దీపాలతో అలంకరించి శ్రీమహాలక్ష్మిని.. సిరికి సంకేతమైన వెండిని, బంగారాన్ని విశేషంగా పూజించి ఆనందభరితంగా జరుపుకొనే దీపావళి అందరినీ ఒకటిగా చేసే సార్వత్రిక పర్వదినం.
- ఇట్టేడు అర్కనందనాదేవి
No comments:
Post a Comment